கழுத்து வலிக்கான எண்ணெய் கட்டு சிகிச்சை

கழுத்து, முதுகெலும்புப்பகுதியில் செய்யப்படும் எண்ணெய் குவிப்பு ஆகும். இந்த சிகிச்சையானது கழுத்தின் வாத நோய்களை நீக்குவதை நோக்கமாகக் கொண்டுள்ளது.  கழுத்து வலிக்கான எண்ணெய் கட்டு நன்மைகள் தோள்பட்டை, மேல் மூட்டு மற்றும் கழுத்து வலி மற்றும் தசைகள் இறுக்கத்தை குறைத்து, வீக்கத்தைக் குறைக்கும். கழுத்தின் இயக்கத்தை மேம்படுத்தும். கைகள், தோள்பட்டை மற்றும் கழுத்துக்கு இரத்த ஓட்டத்தை மேம்படுத்ததும். தலைவலி மற்றும் லேசான தலைச்சுற்றல் ஏற்படுவதைக் குறைக்கும்.

எண்ணெய் கட்டு

இது முக்கியமாக நாள்பட்ட வலி, விறைப்பு, தசைப்பிடிப்பு மற்றும் பல்வேறு கீழ் முதுகுப் பிரச்சினைகளைப் போக்க செய்யப்படுகிறது. Sciatica எனப்படும் நரம்பு நோயினை சரி செய்கிறது. ஏனெனில் சூடான எண்ணெய் திசுக்களில் ஆழமாக ஊடுருவி மூட்டுகளை மேம்படுத்துகிறது, தசைகளுக்கு ஊட்டமளிக்கிறது, மற்றும் தளர்வு(relaxation) ஊக்குவிக்கிறது. முதுகுத் தண்டுவட எண்ணெய் கட்டு என்பது ஒரு புத்துணர்ச்சியூட்டும் சிகிச்சையாகும், இது கீழ் முதுகு நோய்களிலிருந்து விடுபட உதவுகிறது, நெகிழ்வுத்தன்மையை அதிகரிக்கிறது மற்றும் ஒட்டுமொத்த நல்வாழ்வை மேம்படுத்துகிறது. கீழ் முதுகுவலி (Lower back pain), வாதஸ்தம்பம் (Sciatica), தண்டகவாதம் (Lumbar spondylosis ),Herniated disc, Degenerative disc    போன்ற நோய்களுக்கு இந்த சிகிச்சை மிகவும் பயனுள்ளதாக இருக்கும்.

மூட்டு வலி எண்ணெய் கட்டு சிகிச்சை                  

           முட்டியைச் சுற்றி பாத்தி போல உளுந்து மாவால் கட்டி, மருத்துவக் குணமுள்ள எண்ணெய்களை 30 – 45 நிமிடங்கள் தேக்கி வைக்கும் சிகிச்சை முறை ஆகும்.

இந்த சிகிச்சை முறைக்கு பயன்படும்  எண்ணெய்களானது, நோயாளியின் வயது, தோஷம், காலம், பலம் போன்றவற்றை அனுசரித்து, பயன்படுத்தப்படும். 14 – 21 நாட்கள் இந்த சிகிச்சை செய்யப்படும். மனித உடலுக்கு தன்னைத் தானே சரி செய்து கொள்ளும் சக்தி 100 சதவீதம் உள்ளது. இவற்றைத் தூண்டும் சிகிச்சை தான், இது முட்டி தேய்மானம், ஜவ்வு குறைதல் போன்ற உபாதைகள் 60 – 70 சதவீதம் இருந்தாலும், இந்த பாரம்பரிய சிகிச்சையை ஒரு முறை செய்து பார்க்கலாம். 70 வயதிற்கு மேல், சராசரி உடல் எடையை விடவும், 20 – 30 கிலோ அதிக உடல் பருமனுடன் இருந்தால், இயற்கை மருத்துவ முறைகளான சித்தா, மருந்துகள், உணவு பழக்கங்கள், மூட்டு சிகிச்சை எல்லாம் செய்து, அவை நல்ல பலன் கொடுக்காவிட்டால், மூட்டு மாற்று சிகிச்சை அவசியம் செய்து கொள்ளலாம்.

பலன்கள்

1. மூட்டு தேய்மானத்தை குறைத்து மூட்டை வலுப்படுத்தும்.
2. மூட்டு வலி, விறைப்பு தன்மையை முற்றிலுமாக குணப்படுத்தும்.
3. மூட்டில் ஏற்படும் உராய்வு சத்தத்தை குறைக்க உதவும்.
4. மூட்டை சுற்றி உள்ள ஜவ்வுகளை வலுப்படுத்த உதவும்.

தைல தாரை

          இது மூளை-மன-நரம்பு மையங்களை சீரமைக்கும் தன்மை கொண்டது. இன்றைய நவீன வாழ்க்கை முறையில், மனஅழுத்தம், தூக்கக்குறைவு, சீரான உணவுப்பழக்கம் இல்லாமை ஆகியவைகளால் உடலின் முத்தோஷங்களான வாதம், பித்தம்,கபம் பாதிக்கப்படுகிறது. தாரை சிகிச்சை ஆனது முத்தோஷ சமநிலைக்கு முக்கியமானது.

தைல தாரை சிகிச்சையின்  நன்மைகள்

1. தாரை மெதுவாக ஹார்மோன்களை தூண்டி இயல்புபடுத்துகிறது.
2. தாரை நரம்பியல் அமைப்பை சமப்படுத்தி கார்டிசோல்(cortisol ) அளவை இயல்பாக்கும்.
3. தாரை மூலம் pineal gland தூண்டப்பட்டு, மெலடோனின் சுரப்பை மேம்படுத்துகிறது இதனால் நித்திரையின்மை சீராகும்.
4. உணர்வுகள் அடங்கும் இடம் மூளையின் limbic system. இதில் இருப்பவைதான் நமது நினைவுகள், பயங்கள், கோபங்கள், துக்கங்கள். தாரை வழியாக இந்த பகுதியில் உள்ள அமைப்புகள் சீராக்கப்படுவதால், ஆழமாக பதிந்த மன உளவியல் சுமைகள் வெளிவந்து நிவாரணம் கிடைக்கும்.

நீராவி குளியல் 

நீராவி குளியல், மருத்துவ மூலிகைகள் கலந்த கொதிக்கும் நீரில் இருந்து உருவாகும் நீராவிக்கு உடலை வெளிப்படுத்துவதை உள்ளடக்கிய ஒரு சிகிச்சை முறையாகும்.

இந்த சிகிச்சையானது

• அதிகப்படியான எண்ணெய் உற்பத்தியைக் கட்டுப்படுத்துகிறது மற்றும் தோல் வெடிப்புகளைத் தடுத்து பக்டீரியாக்களை எதிர்த்துப் போராடுகிறது.
• உடலிலுள்ள தேவையற்ற கழிவுகளை வியர்வை மூலமாக வெளியேற்றுவதுடன் உடல் எடையை கட்டுப்படுத்தவும் உதவுகிறது.
• கறைகள் மற்றும் கரும்புள்ளிகளை சுத்தம் செய்து, தோல் நிறத்தை பேணி பொலிவை உண்டாக்குகிறது.
• சருமத்தினூடாக ஆழமாக ஊடுருவி ஈரப்பதத்தை பாதுகாத்து மென்மையாகவும் மிருதுவாகவும் உணர வைக்கிறது.
• அதிகப்படியான நெய்ப்பு தன்மையை நீக்கி, எண்ணெய் அல்லது கலவையான சருமம் உள்ளவர்களுக்கு பயனளிக்கிறது.
• காலப்போக்கில் ஆரோக்கியமான, தெளிவான மற்றும் அதிக பொலிவான சருமத்தை ஊக்குவிக்கிறது.

கீழ்கண்ட வாத நோய்களுக்கான சிகிச்சைகள் மேற்கொள்ளப்படுகின்றன.

• மூட்டு தேய்மானம்( Degeneration of joints)
• மூட்டு வலி ( Joint pain)
• மூட்டுகளை அசைக்க முடியாமை (Joint stiffness)
• தசை வலி(Muscles pain)
• தசைகள் இறுக்கம் (Tightness of muscles)
• என்பு வலி (Bone pain)
• குதிகால் வலி (heel pain)

1.முழங்கால் மூட்டுகள் ( Knee joints)

 2.கணுக்கால் மூட்டுகள் (Ankle joints)

 3.முள்ளந்தண்டு மூட்டுகள் (Spine joints)

4.கைவிரல் மூட்டுகள் (Hand joints)

5.முழங்கை மூட்டுகள்  (Elbow joints)

 6.தோள்பட்டை மூட்டுகள் (Shoulder joints)

ஆகிய அனைத்து விதமான மூட்டு பிரச்சினைகளையும் இச்சிகிச்சையின் மூலம் சரி செய்து கொள்ளலாம்.

கீழ்கண்ட  நரம்பு பாதிப்பு நோய்களுக்கான சிகிச்சைகள் மேற்கொள்ளப்படுகின்றன.

• பக்கவாதம் (hemiplegia)
• முகவாதம் ( facial palsy)
• பெரு நரம்பு பாதிப்பு (sciatica)
• வலிப்பு நோய் (convulsions/seizures)

கீழ்கண்ட தோல் நோய்களுக்கான சிறப்பு மருத்துவங்கள் மேற்கொள்ளப்படுகின்றன.

• முகத்தில் பரு (Pimples/Acne)
• மருக்கள் (Warts)
• கரப்பான் (Eczema)
• வெண்பருச்செதில் (Psoriasis)
• சிரங்கு (Scabies)
• புழுவெட்டு (Alopecia)
• வட்டக்கடி (Ring Worm Infestation)
• படர்தாமரை/தேமல் (Fungal Infection)
• நாள்பட்ட தோல் புண் (Chronic Skin Ulcer)
• கால் ஆணி (Corns)
• கால் பாத தடிப்பு (Calus)