முடக்கு வாதம் அல்லது சரவாங்கி என்பது நாள்பட்ட உள் பரவிய அழற்சியினை உருவாக்கும் நிலை ஆகும். இந் நோயானது திசுக்களையும் உடல் உறுப்புகளையும் பாதிக்கும். மேலும் முதன்மையாக வளையுந் தன்மையுடைய புறநீர்ம மூட்டுகளையே அதிகம் தாக்குகிறது. முடக்குவாதம் ஒரு உள் பரவிய தன்னெதிர்ப்பு நோயாகக் கருதப்படுகிறது.

அறிகுறிகள்

• காலை வேளையில் 30 நிமிடங்கள் அல்லது அதற்கு மேல் நீடிக்கும் விறைப்பு தன்மை.
• சிறிய மூட்டுகளான மணிக்கட்டுகள், கைகள் மற்றும் கால்களில் உள்ள சில மூட்டுகள் பாதிப்படைதல்.
• ஆறு வாரங்கள் அல்லது அதற்கு மேல் நீடிக்கும் மூட்டு வலி, வீக்கம் அல்லது விறைப்பு உண்டாதல்.
• இக்குறி குணங்களைத் தொடர்ந்து இதயம், நுரையீரல், இரத்த நாளங்கள், கண்கள் பாதிப்படைதல்.