விரிசுருள் சிறை நோய் என்பது உடலில் உள்ள சிரைகள் முறுக்கியும், உப்பியும் உள்ள நிலையைக் குறிப்பது ஆகும். இவ்வாறு வீங்கி பருத்து வலிக்கிற நரம்புகள் உடலின் மற்ற இடங்களிலும் தோன்றும் என்றாலும், பொதுவாக  இந்நோயானது காலில் உள்ள இரத்தக் குழாய்களில் ஏற்படும் சிக்கலைக் குறிக்கிறது. இதன் காரணமாக கால்களில் உள்ள குருதி புவியீர்ப்பு விசையை எதிர்த்து மேல் நோக்கிச் செல்ல முடியாமல் காலிலேயே தேங்கி விடுவதுண்டு.

     இதனால் காலில் தோலுக்கு அடியில் இருக்கும் வெளிப்புறச்  சிரைகள் அகன்று விரிந்து வீங்கிக் காணப்படும். பாம்பு போல் சுருண்டு நெளிந்திருக்கும். சிலந்தி போல் பரவியிருக்கும். கால் வலி நீடித்து அதனை தொடர்ந்து காலில் பாதத்தில் வீக்கம் ஏற்படும். சிகிச்சை அளிக்காவிட்டால் இரத்தக் குழாய்கள் உள்ள இடத்தில் புண் ஆகிவிட்டால் சீக்கிரம் ஆறாது.  தோல் கருப்பு நிறத்துக்கு மாறிவிடும். அரிப்பு ஏற்படும். அதிகம் சொரிந்தால் அல்லது லேசாக அடிபட்டாலும் இரத்தம் பீச்சுவது போன்று சிக்கல்கள் உண்டாக நேரிடும்.

அறிகுறிகள்

• கால்களில் வலி (மற்றும்) வீக்கம்
• நிறமாற்றம்
• எரிச்சல்
• அரிப்பு
• தோல்களில் புண்கள் ஏற்படுதல்

சிகிச்சை

• கட்டு
• பற்று
• தொக்கணம்
• குருதி வாங்கல்
• வர்ம சிகிச்சை முறைகள்